Suriyada zəlzələlər nəticəsində ölü sayı 3688 nəfər çatıb

“Əsrin fəlakəti” olaraq adlandırılan zəlzələlərdən sonra Suriyada ölənlərin sayı 3 min 688, yaralıların sayı isə 14 min 749-a çatıb.

Busaat.az xəbər verir ki, zəlzələlərdən zərər çəkən Suriyada İdlib, Hələb, Hama, Latakiya və Tartus əyalətlərində axtarış və xilasetmə işləri davam edir.

Suriya İnsan Haqları Şəbəkəsi (SNHR), Mülki Müdafiə (Ağ Dəbilqəlilər), yerli hakimiyyət orqanları, səhiyyə təşkilatları və yerli mənbələrin verdiyi məlumata görə, İdlib və “Fırat Kalkanı” və “Zeytin Dalı” əməliyyatları bölgələrində ən azı 2 274 nəfər ölüb.

SANA-nın xəbərinə görə, Hələb, Latakiya, Hama və Tartus əyalətlərində rejimin nəzarətində olan bölgələrdə baş vermiş zəlzələdə 1 414 nəfər həyatını itirib, 2 349 nəfər isə yaralanıb.

Bununla da, dəhşətli zəlzələlərdən sonra Suriyada ölənlərin sayı 3 min 688-ə, yaralıların sayı isə 14 min 749-a yüksəlib.

Busaat.az