Əsasını terror təşkilatı PKK/PYD/YPG-nin təşkil etdiyi və ABŞ-ın Ankaraya qarşı dəstəklədiyi Suriya Demokratik Qüvvələrindən (SDQ) gözlənilməz açıqlama gəlib.
Busaat.az İngiltərənin Reuters xəbər agentliyinə istinadən xəbər verir ki, Suriyada İŞİD-ə qarşı mübarizə adı altında ABŞ-la ortaqlıq edən, əsasını terror təşkilatları PKK/PYD/YPG-nin təşkil etdiyi Suriya Demokratik Qüvvələri ABŞ-ın rəhbərlik etdiyi koalisiya ilə birgə antiterror əməliyyatlarını dayandırmaq qərarına gəldiyi bildirib.
Suriya Demokratik Qüvvələrinin sözçüsü Aram Henna deyib: “SDQ koalisiya ilə bütün koordinasiya və birgə terrorla mübarizə əməliyyatlarını dayandırıb”.
Qeyd edək ki, daha əvvəl Pentaqonun sözçüsü briqada generalı Patrik Rayder İŞİD-ə qarşı mübarizədə əməkdaşlığın bitmədiyini açıqlamışdı.
Cəmi bir neçə gün əvvəl Suriya Demokratik Qüvvələrinin lideri Mazlum Abdi Reuters xəbər agentliyinə danışaraq Vaşinqtondan Ankaraya daha güclü mesaj verməsini tələb edib.
Abdi bildirib: “Biz hələ də əsəbiyik. Türkiyəni dayandırmaq üçün daha güclü və daha möhkəm bəyanatlar vermək lazımdır”.
Busaat.az