Tacikistan: "Rusiya həbsxanalarından 100-ə yaxın tacik məhbus müharibəyə göndərilib"
Rusiya həbsxanalarından 100-ə yaxın tacikistanlı məhbus Rusiya-Ukrayna müharibəsinə göndərilib.
Busaat.az bildirir ki, bu barədə Tacikistanın daxili işlər naziri Ramazan Rəhimzadə məlumat yayıb.
Nazir Düşənbədə keçirdiyi mətbuat konfransında deyib ki, Rusiya rəsmiləri məsələ ilə bağlı heç bir açıqlama vermir.
O, iki ölkə arasında məlumat mübadiləsi ilə bağlı heç bir razılaşmanın olmadığını bildirib.
Qeyd edək ki, Rəhimzadə məsələ ilə bağlı məlumat verən ilk Tacikistan rəsmisidir.
