Tanzaniyada sərnişin təyyarəsi gölə düşdü
Tanzaniyanın Precision Air şirkətinə məxsus sərnişin təyyarəsi Bukoba şəhərinin hava limanına enərkən Viktoriya gölünə düşüb.
Busaat.az xəbər verir ki, bu barədə məlumatı Tanzaniyanın dövlət televiziyası (TBC) yayıb.
TBC telekanalı təyyarənin paytaxt Darüs-Salamdan havaya qalxdığını və fırtına və leysan yağışlar səbəbindən qəzaya uğradığını bildirib.
Axtarış-xilasetmə işlərinə başlanıldığını bildirən TBC, indiyədək 15 nəfərin xilas edildiyini, lakin təyyarədəki ümumi sərnişin sayı ilə ölənlərin olub-olmamasının məlum olmadığını bildirib.
TBC həmçinin əlavə edib ki, xilasetmə qrupları təyyarədə qalan digər sərnişinləri xilas etməyə davam edirlər.
Busaat.az
