Taxıl müqaviləsi ilə bağlı təmaslar davam edir - Kreml

Taxıl sazişi üzrə təmaslar davam edir, lakin indiyədək heç bir nəticə verməyib. 

Busaat.az xəbər verir ki, bu barədə Kremlin sözçüsü Dmitri Peskov bildirib.

“Mən sizə onların səviyyəsi, yeri və ya vaxtı ilə bağlı konkret heç nə deyə bilmərəm. Təmaslar davam edir, lakin hələlik heç bir nəticə yoxdur”, – Peskov deyib.

 “Rusiyanın kənd təsərrüfatı sənayesi ilə bağlı razılaşmanın şərtləri yerinə yetirilməyib. Söhbət davam edəcək. Mən bunu deyə bilərəm”, – diplomat əlavə edib.

Qeyd edək ki, “Reuters”in adı açıqlanmayan ukraynalı mənbəyə istinadən verdiyi xəbərə görə, BMT-nin dəstəklədiyi Qara dəniz taxıl təşəbbüsü ilə bağlı bütün tərəflərin iştirakı ilə danışıqlar mayın 3-nə planlaşdırılıb.

Busaat.az