Taxıl müqaviləsinin uzadılması çətin məsələdir - Lavrov

Taxıl müqaviləsi üzrə öhdəliklərin bir hissəsi ümumiyyətlə yerinə yetirilmir, ona görə də onun uzadılması məsələsi mürəkkəbdir.

Busaat.az “RİA Novosti”yə istinadən xəbər verir ki, bu barədə Rusiyanın xarici işlər naziri Sergey Lavrov bildirib.

Taxıl müqaviləsinin müddəti martın 18-də başa çatır. Bundan əvvəl Rusiya Xarici İşlər Nazirliyi bildirmişdi ki, Qərb “paket”in Rusiyaya aid hissəsinin həyata keçirilməsini sabotaj etməklə Antonio Qutereşin humanitar təşəbbüsünü “dəfn edir”.

“Paketin birinci hissəsi Ukrayna taxılının Qara dəniz vasitəsilə təhlükəsiz ixracı, ikinci hissəsi Rusiya taxılının və gübrələrinin ixracına bütün maneələrin aradan qaldırılması zərurətidir. Birinci hissə həyata keçirilir. İkinci hissə isə ümumiyyətlə həyata keçirilmir”, –  deyə Lavrov Səudiyyə Ərəbistanının xarici işlər naziri Feysəl bin Fərhanla danışıqlardan sonra bildirib.

Onun sözlərinə görə, sövdələşmənin yalnız yarısının tamamlandığını nəzərə alsaq, onun uzadılması məsələsini həll etmək çətindir.

Busaat.az