Taxıl sazişin əsas məqsədi qlobal miqyasda ərzaq qiymətlərinin aşağı səviyyədə saxlanmasına yönəlmiş humanitar yardımdır.
Busaat.az xəbər verir ki, bunu BMT baş katibinin sözçüsü Farhan Haq bildirib.
“Qara Dəniz Təşəbbüsünün əsas missiyası humanitar yardım məqsədi daşıyır. Düzdür, taxıl əməliyyatlarının xeyli hissəsi kommersiya əməliyyatları olsada , lakin bu kommersiya əməliyyatları ümumilikdə dünyada ərzaq qiymətlərinin aşağı səviyyədə saxlamaqda humanitar məqsədimizə kömək edir” , – o, deyib.
Rusiyanın xarici işlər naziri Sergey Lavrov keçən həftə taxıl müqaviləsinin gələcəyi ilə bağlı suala cavabında deyib: “Taxıl müqaviləsinin Ukrayna hissəsi kommersiya layihəsinə çevrilib və taxılın yalnız 3%-i ən yoxsul ölkələrə gedir. Üstəlik, paket sazişinin Rusiya gübrələri və qidası ilə bağlı hissəsi heç də irəliləyiş etməyib”.
Qeyd edəkl ki, 2022-ci il 22 iyulunda İstanbulda qida və gübrələrin beynəlxalq bazara tədarükü ilə bağlı sənədlər paketi imzalanıb.
Busaat.az
