Roma Papası Fransisk Rusiyanı taxıl müqaviləsini bərpa etməyə çağırıb.
Busaat.az xəbər verir ki, bu barədə Katolik Kilsəsinin rəhbəri Romada Müqəddəs Pyotr meydanında ənənəvi duadan sonra bildirib.
“Mən Rusiyanın rəhbərliyinə müraciət edirəm ki, Qara dəniz təşəbbüsü bərpa olunsun və taxıl təhlükəsiz daşınsın”, – Papa deyib.
Pontifik bir daha ukraynalıların “hər şeyi, o cümlədən taxılı məhv edən” Rusiya təcavüzü qarşısında çəkdikləri əzabları xatırladıb.
“Taxılın bu şəkildə məhv edilməsi Allaha qarşı böyük təhqirdir, çünki taxıl Onun bəşəriyyətin ruzisi üçün hədiyyəsidir. Müqavilənin ləğvi nəticəsində “aclıqdan əziyyət çəkən milyonlarla bacı-qardaşın ah-naləsi cənnətə ucalır”, – Papa Fransisk əlavə edib.
Busaat.az
