Taylandda məbəddə basdırılmış 2,3 milyon dollar pul və qızıl külçələr tapılıb

Tailandın Nakhon Ratçasima əyalətində buddistlərin Wat Pa Dhammakiri məbədində basdırılmış vəziyyətdə 80 milyon baht (təxminən 2,3 milyon dollar) və bir neçə qızıl külçə aşkar edilib.

Busaat.az xəbər verir ki, bu  barədə Taylandın Thaiger portalı məlumat yayıb.

Nəşrin məlumatına görə, məbədin keçmiş rəhbəri Vuttim Taomor məbəd fondundan 5,3 milyon dollar mənimsəməkdə şübhəli bilinərək həbs edilib.

Yerli sakinlər bildirib ki, məbədin arxasındakı təpədə bir neçə rahib çadırı tikilib. Rahiblər hər zaman ərazidə patrul gəzirmişlər, sanki nəyisə gizlədirdilər.

Hüquq-mühafizə orqanları oğurluqda şübhəli bilinən daha altı nəfəri, o cümlədən beş keçmiş rahib və bir sürücünü həbs edib.

Busaat.az