Tayvan son 24 saat ərzində adanın yaxınlığında yerləşən bölgəyə Çin Xalq Azadlıq Ordusunun (PLA) 15 təyyarəsi və üç gəmisinin yaxınlaşdığını bildirib.
Busaat.az xəbər verir ki, bu barədə Tayvan Müdafiə Nazirliyinin cümə günü öz saytında dərc etdiyi bəyanatında deyilir.
“Səhər saat 6-da Tayvan ətrafında 15 PLA təyyarəsi və 3 PLA gəmisi aşkar edilib”, – məlumatda deyilir.
PLA son aylarda adanın yaxınlığındakı sularda müntəzəm olaraq patrullar təşkil edir. Tayvan boğazında gərginlik ABŞ Nümayəndələr Palatasının keçmiş spikeri Nensi Pelosinin ötən ilin avqustunda ölkəyə səfərindən sonra artıb. Çin belə səfərləri təxribat və onun daxili işlərinə müdaxilə kimi qiymətləndirir.
Busaat.az
