Tayvan “Çin təhlükəsi”nə qarşı hərbi xidmət müddətini 1 ilə qədər uzadıb

Çinlə münaqişədə olan Tayvanda “Çinin mümkün hücumlarına qarşı müdafiə qabiliyyətinin gücləndirilməsi” səbəbiylə 2024-cü ildən məcburi hərbi xidmət müddətinin bir ilə qədər artırılmasına qərar verilib.

Busaat.az xəbər verir ki, Tayvan lideri Tsai İnq-ven hazırda 4 ay olan məcburi hərbi xidmət müddətinin 2024-cü il yanvarın 1-dən bir ilədək uzadılacağını açıqlayıb.

Tsai, qərarın adanın Çinin mümkün hücumlarına qarşı müdafiə qabiliyyətini gücləndirmək məqsədi ilə verildiyini bildirib.

Tayvan lideri bəyan edib ki, məcburi hərbi xidmət keçənlərə ödənilən aylıq əmək haqqı 6510 Yeni Tayvan dollarından (təxminən 212 ABŞ dolları) 20320 Yeni Tayvan dollarına (təxminən 661 dollar) artırılacaq.

Qərar 2005-ci il yanvarın 1-dən sonra doğulmuş kişi Tayvan vətəndaşlarına şamil ediləcək.

Busaat.az