İstanbulun Tuzla rayonunda dəhşətli yol qəzası baş verib.
Busaat.az xəbər verir ki, Darıca Bələdiyyəsinə məxsus təcili yardım maşını D-100 magistralında hərəkətdə olarkən sürücü sükan idarəetməsini itirib. Nəticədə avtomobil yol kənarındakı baryerlərə çırpılıb və yan üstə aşıb.
Hadisə nəticəsində maşında olan hamilə qadın, sürücü və daha bir nəfər yüngül xəsarətlər alıb. Ətrafdakı vətəndaşların xəbər verməsi ilə əraziyə 112 və polis qrupları cəlb olunub.
Qəzanın ardından Ankara istiqamətində yolun bir hissəsində nəqliyyat sıxlığı yaranıb. Hadisə ilə bağlı araşdırma aparılır.
Nərmin Səmidova
Busaat.az
