Təl-əviv İranın Livan və Suriya ilə İsrail sərhədlərində hərbi bazalar yerləşdirməsinə qarşı addımlar atacaq
Təl-əviv İranın Livan və Suriya ilə İsrail sərhədlərində hərbi bazalar yerləşdirməsinə qarşı mübarizə aparacaq.
Busaat.az xəbər verir ki, bunu İsrailin baş naziri Binyamin Netanyahu müdafiə naziri Yoav Gallan ilə ölkənin şimal hissəsinə səfəri zamanı deyib.
“Bizim qarşılaşdığımız əsas düşmən İrandakı terror rejimi və onun Suriya və Livanda möhkəmlənməsidir. Biz İranın nüvə arsenalı qurmaq cəhdlərinə qarşı mübarizədə qərarlıyıq və İranın şimal sərhədlərimizdə baza yaratmaq cəhdi ilə mübarizə aparmağa qərarlıyıq. Ehtiyacı olanlara bu məsələ ilə bağlı qırmızı xətlərimizi xatırladacağıq” – deyə, Netanyahu bildirib.
Bundan əvvəl Amerika İsrail İctimai Əlaqələr Komitəsində (AIPAC) çıxış edən Netanyahu İranın nüvə arsenalına can atmasının təhlükəsini və Qüdslə Vaşinqton arasında İslam Respublikasına qarşı ortaq mövqenin inkişaf etdirilməsinin vacibliyini təkrarlayıb.
Jpost qeyd edir ki, o, iki həftə əvvəl and içdikdən sonra demək olar ki, hər gün İran haqqında danışır.
ABŞ-ın milli təhlükəsizlik müşaviri Ceyk Sullivanın İranı müzakirə etmək üçün İsrailə səfər edəcəyi bildirilib. İsrailin strateji işlər katibi Ron Dermer isə Bayden administrasiyasının nümayəndələri ilə görüşlər keçirmək üçün ABŞ-dadır.
Busaat.az
