Apple ürək stimulyatoru və ya digər implantı olan istifadəçilərə iPhone-larını sinələrindən ən azı altı düym uzaqlaşdırmaq barədə xəbərdarlıq edir.
Busaat.az-ın məlumatına görə, texnologiya nəhəngi Apple xəbərdarlıq edir ki, maqnit və elektromaqnit sahəsi maşınların (ürəkdə yerləşdirilən yad cisimlər nəzərdə tutulur – red.) funksiyalarına təsir göstərə bilər və bu ölümcül ola bilər.
Apple-ın yenilənmiş xəbərdarlığına indi yeni nəsil iPhone 13 və 14, AirPods qulaqlıqları, Apple saatları və aksesuarları daxildir.
“Müəyyən şəraitdə maqnit və elektromaqnit sahələri tibbi cihazlara müdaxilə edə bilər”, – deyə Apple bloq yazısında yazıb. Bu cür tibbi cihazlarla potensial qarşılıqlı əlaqədən qaçmaq üçün Apple məhsulunuzu tibbi cihazınızdan təhlükəsiz məsafədə saxlamağı məsləhət görüb.
Bu xəbərdarlıqlar ilk dəfə 2020-ci ilin oktyabrında iPhone 12-nin təqdimatı ilə ortaya çıxıb. Aylar sonra Amerika Ürək Dərnəyi içəridəki maqnitlər barədə xəbərdarlıq edib.
Brown Universitetinin tədqiqatçısı Dr. Mişel Vu 2021-ci ildə bildirib: “Biz həmişə maqnitlərin implantları olan elektron cihazlarla qarşılıqlı əlaqədə ola biləcəyini bilirdik, lakin iPhone 12-nin maqnit texnologiyasında istifadə olunan maqnitlərin gücünə təəccübləndik”.
Busaat.az
