Tesla ilə bağlı araşdırma başladı

ABŞ Milli Avtomobil Yolları Trafik Təhlükəsizliyi İdarəsi (NHTSA) elektrikli avtomobil istehsalçısı Teslanın SUV modeli ilə bağlı şikayətlərdən sonra araşdırmaya başlayıb.

Busaat.az xəbər verir ki, NHTSA-nın verdiyi açıqlamada, Teslanın Model SUV avtomobillərinin idarə edilərkən sükan çarxının çıxması ilə bağlı iki şikayətdən sonra araşdırıldığı ifadə edilib.

İstintaqın təxminən 120 min 2023-cü il model avtomobili əhatə etdiyi qeyd edilən açıqlamada, hər iki şikayətdə avtomobillərin sükan və qolu birləşdirən bolt olmadan müştərilərə təslim edildiyi bildirilib.

NHTSA, həmçinin Tesla avtomobillərinin qəfil əyləclənməsi ilə bağlı şikayətləri də araşdırdığını açıqlayıb.

Qeyd edək ki, fevral ayında Tesla “Tam Avtonom Sürmə” proqramında nasazlıq səbəbindən yol hərəkəti qaydalarını pozduğuna dair şikayətlərdən sonra təxminən 363 min avtomobili geri çağırmalı olub.

Busaat.az