Türkiyədə bütün futbol liqalarının növbəti turun oyunları təxirə salınıb. Buna səbəb Superliqada 15-ci turun “Ankaragücü” – “Rizerspor” matçından (1:1) dərhal sonra meydana daxil olan “Ankaragücü”nün prezidenti Faruk Kocanın oyunun baş hakiminə yumruq atmasıdır. Aldığı yumruq zərbəsindən Xəlil Umut Meller yerə yıxıldı. Ətrafdakılar da onu təpiklədilər.
Busaat.az xəbər verir ki, Türkiyə Futbol Federasiyasının prezidenti Mehmet Büyükeksi keçirdiyi mətbuat konfransında hadisəni pisləyib.
“Bu hadisə çox pislənməlidir. Futbol oyunları müharibə deyil. Sonunda ölüm yoxdur. Türk futbolu üçün utanc bir gecə oldu. Biz hər kəsi məsuliyyətli olmağa çağırırıq” – deyə TFF prezidenti deyib.
Faruk Koca saxlanılıb.
