“Time” jurnalı “İlin Qəhrəmanları”nı seçib: İranlı qadınlar

ABŞ-ın həftəlik nəşri olan “Time” jurnalı 22 yaşlı Məhsa Eminin ölümü ilə başlayan etirazlara rəhbərlik edən iranlı qadınları “İlin Qəhrəmanları” seçib.

Busaat.az xəbər verir ki, bu barədə jurnal özü məlumat yayıb.

Time, Əmininin “hicab qaydalarına əməl etmədiyi” səbəbi ilə həbs olunaraq ölməsindən sonra başlayan və təxminən 3 aya yaxın davam edən etirazların bu günə qədər ölkə hakimiyyətinə qarşı ən uzun sürən nümayişlər olduğuna diqqət çəkib.

Nümayişlərə qatılan iranlı qadınları “savadlı, dünyəvi, liberal” kimi xarakterizə edən “Time” jurnalı, “Qadınlar son iki-üç ildə öz müqavimətləri ilə ölkədə məcburi hicab tətbiqinə təsirli bir şəkildə son qoydular” – deyə, qiymətləndirməyə yer verib.

Busaat.az