Tinder də daxil olmaqla bir sıra onlayn tanışlıq xidmətlərinə sahib Match Group şirkəti iyunun 30-da Rusiyadan çıxışını tamamlayacaq.
Busaat.az xəbər verir ki, bu barədə şirkətin yaydığı hesabatda bildirilib.
“Bizim brendlərimiz Rusiyada öz xidmətlərinə çıxışı məhdudlaşdırmaq üçün addımlar atır və 2023-cü il iyunun 30-na kimi Rusiya bazarından çıxışını başa çatdıracaq”, – hesabatda deyilir.
Qeyd edək ki, Match Group mərkəzi ofisi həm Dallasda, həm də Texasda yerləşən Amerika internet və texnologiya şirkətidir. O, Tinder, Match.com, Meetic, Ok Cupid, Hinge, Plenty Of Fish, Our Time və daha çox daxil olmaqla məşhur onlayn tanışlıq xidmətlərinin ən böyük portfelinə sahibdir və hamısını idarə edir.
Busaat.az
