Tokioda inflyasiya son 40 ilin ən yüksək səviyyəsinə çatıb

Tokioda istehlak qiymətləri indeksi (CPI) enerji xərcləri və zəif Yapon yeninin təsiri ilə noyabr ayında keçən ilin eyni dövrü ilə müqayisədə 3,6 faiz artıb.

Busaat.az xəbər verir ki, bu barədə Daxili İşlər və Rabitə Nazirliyinin məlumatlarında deyilir.

Məlumata görə, ərzaq məhsulları istisna olmaqla, Yaponiyanın paytaxtı Tokioda inflyasiya 15 aydır ki, artmaqdadır.

Enerji xərcləri və zəif Yapon yeni Tokioda CPI-nin noyabrda keçən ilin eyni dövrü ilə müqayisədə 3,6 faiz artmasına səbəb olub.

İstehlak vergisi artımlarının təsirini nəzərə almasaq, bu nisbət Tokio bölgəsində 1982-ci ildən bəri ən yüksək inflyasiya artımı olaraq qeyd edilib.
2022-ci ilin noyabr ayı üçün açıqlanan məlumatlara görə, Tokioda ərzaq qiymətləri 6,7%, enerji qiymətləri isə 24,4% artıb.

Qeyd edək ki, inflyasiyanın artmasının əsas səbəbləri enerji xərclərinin artması və xarici valyuta məzənnələri qarşısında yapon yeninin böyük dəyər itirməsidir.

Busaat.az