Cənubi Amerika ölkəsi Ekvadorda baş verən sürüşmə nəticəsində 16 nəfərin həyatını itirdiyi, 13 nəfərin itkin düşdüyü bildirilib.
Busaat.az xəbər verir ki, Ekvador Milli Risk İdarəetmə Katibliyindən verilən açıqlamada Çimborazo əyalətinin Alausi qəsəbəsində torpaq sürüşməsinin olduğu bildirilib.
Açıqlamada təbii fəlakət nəticəsində indiyədək 16 nəfərin öldüyü, 13 nəfərin itkin düşdüyü, 10 nəfərin yaralandığı qeyd edilib.
Səlahiyyətlilər bir çox məhəllənin torpaq altında qaldığını və təxminən 500 nəfərin təsirləndiyini bildirib.
Ərazidə axtarış-xilasetmə işləri davam edir.
Yerli mətbuatda yayılan xəbərlərdə bölgədəki dağda bir müddətdir çatların əmələ gəldiyi və bunun da sürüşməyə səbəb olduğu iddia edilib.
