Tramp 34 maddə ilə ittiham olunur - Prokurorluq

ABŞ-nin sabiq prezidenti Donald Tramp 34 biznes sənədlərini saxtalaşdırmaqda ittiham olunur.

Busaat.az xəbər verir ki, bu barədə dərc edilən ittiham aktında məlumat verilib.

Sənəddə qeyd olunan hər bir maddə dörd ilə qədər həbslə cəzalandırılmaya səbəb ola bilər.

İttihamnamədə deyilir ki, Tramp prezidentlik kampaniyası zamanı “dələduzluq və başqa cinayət törətmək niyyəti ilə” müəssisənin biznes sənədlərinə saxta qeydlər edib.

Manhetten Prokurorluğunun açıqlamasına görə, Tramp 2016-cı il seçkilərindən əvvəl və sonra seçicilərindən bəzi məlumatları və qeyri-qanuni fəaliyyəti gizlətmək üçün  Nyu-Yorkun biznes qeydlərini saxtalaşdırmaqda ittiham edilir.

Bəyanatda qeyd edilir ki, “Tramp və digərləri” “onun haqqında mənfi məlumatları müəyyən etmək, satın almaq və məlumatları gizlətmək və onun seçki perspektivlərini artırmaq üçün müvafiq sxemdən istifadə ediblər.

Busaat.az