Tramp həbsdə olan yaxınları haqqında əfv fərmanı veribbackend

ABŞ Prezidenti Donald Tramp Rusiya istintaqı çərçivəsində mühakimə olunan şəxslər də daxil olmaqla 20 nəfər barəsində əfv fərmanı imzalayıb.

Busaat.az xəbər verir ki, bu barədə Ağ Evin mətbuat xidməti məlumat yayıb. Siyahıda Rusiya istintaqında təqsirli bilinən şəxslərin və keçmiş Respublikaçı siyasətçilərin də olması diqqət çəkib.

Trampın bağışladığı insanlar arasında 2016-cı il seçki kampaniyası dövründə xarici siyasət məsləhətçisi olmuş George Papadopoulos və holland vəkil Alex van der Zwaan var.

20 yanvarda vəzifəsini Co Baydenə təhvil verəcək Trampın bu tarixə qədər özünə yaxın bir çox şəxsi bağışlayacağı gözlənilir.

Qeyd edək ki, prokuror Robert Mueller 22 martda Tramp və 2016-ci il seçki kampaniyası qrupunun Rusiya ilə əlbir olduğu iddialarına dair araşdırmalarının 22 aylıq hesabatını Ədliyyə Nazirliyinə təqdim etmişdi.

Ədliyyə naziri William Barr isə hesabatın önəmli məlumatlarını bir məktubda Konqresə bildirmişdi və Trampın Rusiya ilə gizli əməkdaşlığına işarə edən heç bir nəticəyə gəlinmədiyini qeyd etmişdi.

29 mayda kameralar qarşısına çıxan Mueller Rusiya istintaq sənədinin rəsmi olaraq bağlandığını açıqlamışdı. Tramp hesabat nəticəsində tamamilə bəraət qazandığını, Demokratlar isə Trampın ədalətə mane olmağa çalışdığını iddia etmişdi.