Tramp səs yazılarını paylaşan jurnalistdən 50 milyon dollar təzminat tələb edir
Donald Tramp jurnalist Bob Vudvordu məhkəməyə verib və onun “Təhlükə” kitabı üçün müsahibələrinin səs yazılarını ictimaiyyətə açıqlamasına icazə verilmədiyini bildirib.
Busaat.az xəbər verir ki, keçmiş prezidentin vəkilləri naşir Simon & Schuster Inc. və kitabın müəllifi Bob Vudvorddan müəllif hüquqlarının pozulmasına 50 milyon dollar təzminat tələb edir.
Nəşriyyatçı və Vudvord birgə bəyanat yayaraq, Trampın iddiasının əsaslı olmadığını və buna qarşı aqressiv şəkildə müdafiə olunacağlarını bildiriblər.
“Həmçinin, Trampın öz təbirincə desək, burada əks olunan tarixi qeydlər ictimaiyyətin marağındadır. İnanırıq ki, faktlar və qanunlar bizim xeyrimizədir”, – bəyanatda deyilir.
Busaat.az
