ABŞ-nin sabiq prezidenti Donald Tramp Ukraynada sülhü təmin etmək planını açıqlayıb və Ukrayna prezidenti Volodimir Zelenskidən razılıq əldə etməyi xahiş edəcəyini bildirib.
Busaat.az xəbər verir ki, o, bu sözləri Fox News telekanalına müsahibəsi zamanı deyib.
Sabiq prezident həm Zelenski, həm də Vladimir Putinlə yaxşı münasibətlərə malik olduğunu deyib və qeyd edib ki, Bayden dünya liderləri ilə iş görmək iqtidarında deyil.
“Onlar ağıllı insanlardır, o cümlədən Fransa prezidenti Makron. Mən Putin də daxil olmaqla, o insanların bütün siyahısını nəzərdən keçirə bilərdim. Bu insanlar kəskin, sərt və bir qayda olaraq, qəddardırlar. Bizdə nə baş verdiyini başa düşməyən insan var. Bu, ölkəmizin tarixində ən təhlükəli dövrdür”, – Tramp bildirib.
“Mən Zelenski və Putini çox yaxşı tanıyıram, hətta daha yaxşı.Hər iki liderlə yaxşı münasibətim var idi. Zelenskiyə deyərdim. “Sən razılaşmalısan.” Putinə deyərdim. “Əgər razılaşmazsan, ona çox şey verəcəyik. Lazım gələrsə, Ukraynaya indiyə qədər aldığından daha çoxunu verəcəyik”. Müqaviləni bir günə bağlayacam. Bir gün”, – deyə Tramp əlavə edib.
Busaat.az
