Trampın mətbuat xidməti ABŞ-ni nasist Almaniyası ilə müqayisə edib

Sabiq prezident Donald Trampın təqibi 1930-cu illərdə nasist Almaniyasının dövrünü xatırladır.

Busat.az xəbər verir ki, bu barədə Trampın mətbuat xidmətinin yaydığı bəyanatda bildirilir.

“Trampın və onun tərəfdarlarının bu təqiblərinin qanunsuzluğu bizə 1930-cu illəri xatırladır. Faşist Almaniyası və digər avtoritar diktator rejimləri dövrü. Prezident Tramp həmişə qanuna əməl edib”, – bəyanatda  deyilir.

Bundan əvvəl ABŞ Konqresinin Nümayəndələr Palatasının üzvü Marjorie Taylor-Grin Trampa qarşı ittihamları siyasiləşdirilmiş ifritə ovu adlandırmışdı.

Xatırladaq ki, ABŞ-nin xüsusi prokuroru Cek Smit  bəyan etmişdi ki, Trampı dörd maddə üzrə ittiham edəcək: ABŞ-ni aldatmaq üçün sui-qəsd, hüquqların pozulması, rəsmi proseslərə mane olmaq üçün sui-qəsd və rəsmi proseslərə mane olmaq cəhdi.

Busaat.az