Türk əsgərləri geri çəkilmədən bir nəticə əldə etməyəcəyik - Suriya

Dünən Moskvada Türkiyə, Rusiya, İran və Suriya xarici işlər nazirlərinin iştirakı ilə Suriya ilə bağlı dördtərəfli görüş keçirilib.

Busaat.az xəbər verir ki, Suriyanın xarici işlər naziri Feysəl əl-Mikdad Suriyanın əsas məqsədinin Türkiyə qüvvələri də daxil olmaqla, öz ərazisindəki “qeyri-qanuni” hərbi mövcudluğa hər şəkildə son qoymaq olduğunu vurğulayıb.

“Bu məsələdə irəliləyiş olmadan heç bir real nəticə əldə edilə bilməyəcəyik”, – diplomat qeyd edib.

Mikdad Suriyanın suverenliyinə və ərazi bütövlüyünə hörmət edilməsi şərti ilə dialoq və müzakirənin arzulanan məqsədlərə çatmaq üçün ən yaxşı yol olduğuna inandığını və bunun nəticəsində açıq və konstruktiv mövqe tutmağa hazır olduqlarını bildirib.

Busaat.az