Türkiyə 2024-cü ildə Avropa Birliyinə üzv olmayacaq, birlik Ankaraya hətta vizasız rejim də verməyə hazır deyil.
Busaat.az xəbər vrir ki, bu barədə “İzvestiya” qəzetinə Avropa İttifaqının xarici siyasi xidmətinin rəsmi nümayəndəsi Piter Stano məlumat verib.
Stano Avropa Birliyinə qoşulma prosesinin saatlarla yox, illərlə davam etdiyini bildirib.
O, həmçinin qeyd edib ki, viza rejiminin liberallaşdırılması ilə bağlı qərar Aİ üzvləri tərəfindən bu statusu almaq niyyətində olan ölkə insan haqları və siyasi azadlıqları əhatə edən bütün zəruri standartları yerinə yetirdikdən sonra qəbul edilir.
Avropa Parlamentinin Fransadan olan üzvü Thierry Marianinin sözlərinə görə, o, Ankara ilə danışıqları bərpa etməyin mənasız hesab edir.
Qəzet Türkiyənin üzvlük mövzusunun müzakirə ediləcəyini qeyd edib. Türkiyənin “Hürriyet” qəzetinin məlumatına görə, ilk siqnallar iyulun 20-də Aİ ölkələrinin xarici işlər nazirlərinin görüşündə veriləcək.
Qeyd edək ki, Türkiyə hələ 1987-ci ildə Aİ-yə üzv olmaq üçün müraciət edib və 1999-cu ildə namizəd statusunu alıb. 2005-ci ildə isə tərəflər rəsmi olaraq Ankaranın statusu ilə bağlı danışıqlara strat verib, lakin fikir ayrılığı səbəbindən proses bir neçə dəfə təxirə düşüb.
Busaat.az
