Türkiyənin Ali Məhkəməsi kürd yönümlü Xalqların Demokratiya Partiyasının (HDP) vəsaitlərinin müvəqqəti dondurulması barədə qərar verib.
Busaat.az xəbər verir ki, qərar, baş prokurorun Türkiyə Konstitusiya Məhkəməsindən Maliyyə Nazirliyinin partiyaya pul köçürdüyü bank hesablarının bloklanmasını xahiş etməsindən həftələr sonra qəbul edilib.
Prokuror partiyanı terrora dəstək verməkdə ittiham edib.
Konstitusiya Məhkəməsi partiyaya prokurorun tələbinə qarşı arqumentlər təqdim etmək üçün bir ay vaxt verib.
Qeyd edək ki, Türkiyənin Maliyyə Nazirliyi parlamentdə təmsil olunan siyasi partiyalara maliyyə yardımı edir və mətbuatın yazdığına görə, bu il partiya 539 milyon türk lirəsi (təxminən 29 milyon dollar) almalı idi.
Prokurorlar partiyanı qadağan olunmuş Kürdüstan Fəhlə Partiyası (PKK) ilə sövdələşmədə ittiham edirlər. Gələn həftə partiyanın bağlanması ilə bağlı vəsatət qaldırılacaq.
Partiyanın sözçüsü Ebru Günay məhkəmənin qərarını tənqid edərək, qərarı ədalətsiz hesab edib.
Busaat.az
