Bir ilk baş verdi. Türkiyənin turizm sektorunda əldə etdiyi rekord gəlir, ölkənin iqtisadi gücünü və qlobal turizm bazarındakı mövqeyini bir daha nümayiş etdirdi.
“Busaat.az” xəbər verir ki, Türkiyənin Mədəniyyət və Turizm Naziri Mehmet Nuri Ersoy bildirib ki, 2025-ci ilin ilk üç ayı (yəni birinci rübü) ərzində ölkə turizmdən 9,5 milyard dollar gəlir əldə edib. Bu göstərici Türkiyə tarixində ilk rüblər üçün ən yüksək turizm gəliri sayılır. Nazir həmçinin qeyd edib ki, 2025-ci ilin sonuna qədər Türkiyəyə 65 milyon turistin gəlməsi gözlənilir və bu turist axınından ümumilikdə 64 milyard dollar gəlir əldə ediləcəyi proqnozlaşdırılır.
Şövkət Əliyeva
Busaat.az
