Ankara türk və erməni xalqlarının münasibətləri yaxşılaşdıra biləcəyinə ümid edir.
Busaat.az xəbər verir ki, bu barədə Türkiyənin müdafiə naziri Hulusi Akar bildirib.
Akar deyib: “Türkiyə əsrlər boyu tolerantlıq və sülh şəraitində birgə yaşayan türk və erməni xalqlarının dostluq və əməkdaşlıq çərçivəsində əlaqələr qura biləcəyi inancını saxlayır”.
1915-ci ildə Osmanlı İmperiyasında baş verən hadisələr haqqında danışan nazir deyib: “Prezident Rəcəb Tayyib Ərdoğan da hər fürsətdə Ankaranın tarixçilər tərəfindən yaradılmalı olan obyektiv komitələrin işinə açıq olduğunu bəyan edib”.
“Bu məsələ ilə bağlı təkidli çağırışımızı bir daha təkrar edirik. Ermənistan da Türkiyə kimi öz arxivlərini beynəlxalq tarixçilərin üzünə açmalı, nəticələri qəbul etməli və bundan narahat olmamalıdır. Lakin bu təklifə hələ ki, cavab verilməyib”, – Akar deyib.
Busaat.az
