Türkiyə, Finlandiya və İsveçin Daimi Birgə Mexanizminin dördüncü iclası keçiriləcək

Türkiyə, Finlandiya, İsveç və NATO nümayəndə heyətlərinin daxil olacağı üçtərəfli sazişə uyğun olaraq yaradılmış Daimi Birgə Mexanizmin dördüncü iclası iyunun 14-ü, çərşənbə günü saat 09:00-da Türkiyə Prezident Külliyəsində keçiriləcək.

Busaat.az Türkiyə mediasına istinadən xəbər verir ki, İsveçdə Quranın yandırılmasından sonra gərginlik artmış, Türkiyə birgə mexanizm iclaslarını qeyri-müəyyən müddətə təxirə salmışdı.

Keçən mart ayında təmasların bərpasından sonra, Daimi Birgə Mexanizmin dördüncü iclasının bu həftə Beştəpədə keçiriləcəyi açıqlandı. Bu barədə Rabitə İdarəsinin sosial media hesabında məlumat verilib.

Bildirilib ki, üçtərəfli sazişə uyğun olaraq qurulan Daimi Birgə Mexanizmin Türkiyə, Finlandiya, İsveç və NATO nümayəndə heyətlərinin iştirakı ilə dördüncü iclası saat 09:00-da Prezident Külliyəsində keçiriləcək.

İclasda NATO nümayəndə heyətinin rəhbəri qismində NATO-nun baş katibinin kabinet rəhbəri Stian Yenssen, İsveç nümayəndə heyətinin rəhbəri qismində İsveç Xarici İşlər Nazirliyinin dövlət katibi səfir Yan Knutsson və Finlandiya Xarici İşlər Nazirliyi nümayəndə heyətinin rəhbəri kimi daimi dövlət katibi Jukka Salovaara iştirak edəcəklər.

Busaat.az