Rəcəb Tayyib Ərdoğanın səfəri zamanı Türkiyə ilə BƏƏ arasında 50,7 milyard dollarlıq 13 müqavilə imzalanıb.
Busaat.az xəbər verir ki, bu barədə RİA Novosti Türkiyə prezidentinin mətbuat xidmətinə istinadən məlumat yayıb.
“Türkiyə ilə BƏƏ arasında müxtəlif sahələrdə 13 sənəd imzalanıb və qəbul edilib. Bu çərçivədə tərəflər Türkiyə və BƏƏ prezidentlərinin sədrliyi ilə “Yüksək Səviyyəli Strateji Şura”nın yaradılması barədə razılığa gəliblər”, – məlumatda deyilir.
Enerji, nəqliyyat, infrastruktur, logistika, elektron ticarət, maliyyə, səhiyyə, qida, turizm, daşınmaz əmlak, tikinti, müdafiə, süni intellekt və qabaqcıl texnologiyalar kimi sahələrdə mövcud əməkdaşlığın dərinləşdirilməsi qərara alınıb.
Qeyd edək ki, iyulun 17-19-da Türkiyə prezidenti Rəcəb Tayyib Ərdoğan Səudiyyə Ərəbistanı, Qətər və Birləşmiş Ərəb Əmirliklərinə səfər edib. Səfərin əsas məqsədi bu ölkələrlə iqtisadi əməkdaşlığı genişləndirmək və Türkiyənin ehtiyac duyduğu investisiyaların həcmini artırmaqdır.
Busaat.az
