Türkiyə xarici işlər naziri Mövlud Çavuşoğlu Ankarada Misirin xarici işlər naziri Samih Şükri ilə görüşüb. Təkbətək görüşdən sonra iki nazir geniş tərkibdə görüş keçirib.
Busaat.az xəbər verir ki, Çavuşoğlu Misirlə bağlı açıqlamasında bildirib:
“Misirlə açdığımız yeni səhifəni ortaq layihələr və uğur hekayələri ilə doldurmaq istəyirik. Biz bundan sonra Liviya ilə bağlı daha sıx əməkdaşlıqda çalışacağıq”.
Misir xarici işlər naziri Şükri, “Türkiyə-Misir əlaqələrinin daha da aktivləşməsi və bütün sahələrdə yüksəlişi üçün arxamızda güclü siyasi iradə var”, – deyə vurğulayıb.
Busaat.az
