İran 18 ölkə ilə iqtisadi zonaların yaradılması üçün danışıqlar aparıb.
Busaat.az xəbər verir ki, bunu İranın Azad və Xüsusi İqtisadi Zonaların Ali Şurasının katibi Hüccətullah Əbdülmələki paytaxt Tehranda təşkil edilən İran İxrac Sərgisində (İRAN EXPO 2023) keçirilən mətbuat konfransında bildirib.
Bu mövzuda Türkiyə ilə də danışıqlar apardıqlarını bildirən Əbdülmələki qeyd edib: “Son bir neçə ayda ekspertlərimiz ümumiyyətlə həmsöhbətləri ilə onlayn danışıqlar aparıblar”.
Birgə azad ticarət zonasının yaradılması ilə bağlı anlaşma memorandumu hazırlandığını qeyd edən Əbdülmələki, sözügedən müqavilənin bir-iki aya imzalanacağını bildirib.
Əbdülmələki ötən aylarda Türkiyə ilə parlament səviyyəsində müsbət görüşlər keçirdiklərini, Türkiyədə iki azad ticarət zonasına getdiklərini bildirib.
Qarşılıqlı təcrübə mübadiləsi yolu ilə yaxşı əməkdaşlıq etməyi hədəflədiklərini ifadə edən Abdulmeleki, azad ticarət zonasının yaxşı idarə olunması üçün lazım olan texnologiyanın transferinə diqqət yetirdiklərini ifadə edib.
Əbdülmələki memorandumun imzalanmasını gözlədiklərini və imzalandıqdan sonra hüquqi, texniki və coğrafi məsələləri həll edərək azad ticarət zonasının fəaliyyətinə başlayacaqlarını bildirib.
Busaat.az
