Türkiyə ilə Rusiya taxıl müqaviləsində eyni tərəfdədir - Ərdoğan

Türkiyə taxıl sazişi ilə bağlı vəziyyətdə Rusiya ilə eyni tərəfdədir

Busaat.az xəbər verir ki, bu sözləri Türkiyə prezidenti Rəcəb Tayyib Ərdoğan bildirib.

“Biz Rusiya ilə eyni tərəfdəyik. Rusiyanın Qara dənizdəki dəhlizlə tədarük edəcəyi taxılı un halına gətirəcəyik, bundan sonra bu un Afrikanın ən kasıb ölkələrinə və inkişaf etməkdə olan ölkələrə göndəriləcək”, – Ərdoğan deyib.

Həmçinin məlum olduğu kimi, Ərdoğan Rusiya lideri Vladimir Putinin Türkiyəyə səfərinin avqustda baş tutacağını gözləyir. O, Putinin Türkiyəyə səfərinin dəqiq tarixinin hələ müəyyən edilmədiyini vurğulayıb. Hazırda XİN və kəşfiyyat rəhbərləri bu məsələ üzərində işləyir.

Qeyd edək ki, avqustun 2-də Rusiya və Türkiyə prezidentləri arasında telefon danışığı olub.

Türkiyə prezidentinin ofisindən verilən məlumata görə, onlar Putinin  səfəri ilə bağlı razılığa gəliblər.

Busaat.az