Türkiyə İsveçin NATO-ya üzvlüyünü mümkün qədər tez müzakirə etməyi hədəfləyir

Türkiyə İsveçin NATO-ya daxil olma protokolunun parlamentdə erkən müzakirəsini hədəfləyir, lakin bu, oktyabrdan əvvəl baş verməyəcək.

Busaat.az xəbər verir ki, bu  barədə Türkiyə prezidenti Rəcəb Tayyib Ərdoğan deyib.

“İsveç hakimiyyətinin bizə təqdim edəcəyi yol xəritəsi var. Bundan sonra parlamentə təqdim edəcəyik. İndi parlamentimiz bağlıdır. O, açılanda əminəm ki, spiker bu sənədi prioritet məsələlər kimi gündəmə gətirəcək”, – Ərdoğan bildirib.

Qeyd edək ki, iyulun 10-da Ərdoğan İsveçin NATO-ya üzvlüyünün Türkiyənin Aİ-yə qəbulundan sonra mümkün olacağını açıqlayıb.

Busaat.az