Türkiyə prezident seçkilərinin qalibi ikinci turda müəyyənləşəcək - Sorğu

Türkiyədə mayın 14-də keçirilməsi planlaşdırılan prezident seçkilərinin birinci turunda qalib müəyyənləşməyəcək və vəzifəyə hazırkı prezident və ya rəqibin seçiləcəyi ikinci turda aydınlaşacaq.

Busaat.az xəbər verir ki, bu barədə “Cumhuriyet” qəzetində məlumat dərc olunub.

Sorğuya görə, müxalifətin konsensus namizədi Cümhuriyyət Xalq Partiyasının sədri Kamal Kılıçdaroğlu birinci turda səslərin 46,6 faizini, hazırkı prezident Rəcəb Tayyib Ərdoğan isə 41,6 faizini toplayacaq. Məmləkət Partiyasının prezidentliyə namizədi Muharrem İncenin 9,1%, ATA Alyansı tərəfindən namizədliyi irəli sürülmüş Sinan Oğanın isə 2,9% səs alacağı təxmin edilir.

Müxalifətin konsensus üzrə prezidentliyə namizədi “Habertürk” telekanalına bildirib ki, seçkidə birinci turda qalib gələcəyinə əmindir. Hazırkı prezident, öz növbəsində, həmin gün TV-24 kanalına bildirib ki, təmsil etdiyi “Cumhur İttifakı” rəqiblərini xeyli qabaqlayır.

Qeyd edək ki, Ərdoğan 2018-ci il seçkilərində 52,6% səs toplayıb.

Busaat.az