
Türkiyə prezidentliyinə namizədlər Ankarada qapalı görüş keçirəcək - “Cümhuriyyət” qəzeti
Türkiyə müxalifətinin prezident seçkilərində vahid namizədi Kamal Kılıçdaroğlu digər prezidentliyə namizəd Sinan Oğanla görüşmək niyyətindədir.
Busaat.az xəbər verir ki, bu barədə “Cümhuriyyət” qəzeti yazı dərc edib.
Qəzetin məlumatına görə, görüş Cümhuriyyət Xalq Partiyasının Ankaradakı qərargahında baş tutacaq.
“Kemal Kılıçdaroğlu bu gün Ankarada Cümhuriyyət Xalq Partiyasının (CHP) qərargahında Sinan Oğanla görüşəcək”, – qəzet qeyd edib.
Görüş media üçün qapalı keçirilir. Danışıqların mövzusu da məlum deyil.
Qeyd edək ki, Türkiyədə prezident və parlament seçkiləri mayın 14-nə təyin edilib.
Busaat.az























