Qərb kəşfiyyat təşkilatları Ankaraya müvafiq məlumat vermədən artıq Türkiyədə əməliyyatlar həyata keçirə bilməyəcək.
Busaat.az xəbər verir ki, bu barədə “Hürriyet” qəzeti adının açıqlanmasını istəməyən diplomata istinadən yazıb.
Onun sözlərinə görə, indiyə kimi bəzi Qərb kəşfiyyat təşkilatları Türkiyəyə icazəsiz gəlib-gedə bilib.
“Məsələn, Qərbin kəşfiyyat təyyarəsi gəlir, bir müddət qalır və gedir. Həmin təyyarədə nəyin və kimin olduğu, hansı işlər görüldüyü barədə heç bir məlumat verməyiblər”, – deyə nəşr diplomatın sözlərini sitat gətirib.
Onun sözlərinə görə, Ankara Türkiyənin milli mövqeyinə uyğun olaraq bəyan edib ki, “bu cür əməliyyatlar, gəlişlər və gedişlər barədə Türkiyə tərəfinə müvafiq məlumat verilmədən həyata keçirilə bilməz.
Qəzetin mənbəsinin sözlərinə görə, Qərb xüsusi xidmət orqanlarının reaksiyası sərt olsa da, Ankara öz prinsipial mövqeyində qalıb.
“Əvvəlcə Qərb kəşfiyyat orqanları sərt reaksiya verdilər. Onlar şayiə yaratdılar ki, bu, İrana dəstək deməkdir. Amma boşuna idi. Çünki Türkiyə müstəqil dövlət olaraq milli mövqeyini nümayiş etdirdi. Dedilər ki, nəsə edəcəksənsə, məlumat verəcəksən”, – qəzetin həmsöhbəti qeyd edib.Modern.az
