Türkiyə Rusiya ilə siyasi məsləhətləşmələr aparacaq
Türkiyə və Rusiya arasında Suriya və digər məsələlərlə bağlı siyasi məsləhətləşmələr keçiriləcək.
Busaat.az xəbər verir ki, bu barədə məlumatı Türkiyə XİN yayıb.
Məsləhətləşmələr dekabrın 8-9-u İstanbulda baş tutacaq. Nümayəndə heyətlərinə Türkiyə və Rusiya xarici işlər nazirlərinin müavinləri Sedat Enal və Sergey Verşinin rəhbərlik edəcək.
Görüş zamanı, həmçinin taxıl sazişinin icrası, eləcə də regional məsələlərin müzakirə edilməsi planlaşdırılır.
