Türkiyə, Rusiya, Suriya və İranın müdafiə nazirləri arasında görüş olub

Türkiyə, Rusiya, Suriya və İranın müdafiə nazirliklərinin rəhbərləri Moskvada keçirilən görüş zamanı Ankara ilə Dəməşq arasında münasibətlərin normallaşdırılması üçün konkret addımları müzakirə ediblər.

Busaat.az xəbər verir ki, bu barədə RİA Novosti-yə Türkiyə Müdafiə Nazirliyindən məlumat verilib.

Görüşdə Suriyada təhlükəsizlik vəziyyətinin gücləndirilməsi, Türkiyə ilə Suriya arasında münasibətlərin normallaşdırılması üçün atıla biləcək addımlar, Suriyada fəaliyyət göstərən terror təşkilatları ilə mübarizə məsələləri müzakirə edilib.

Tərəflər bir daha Suriyanın ərazi bütövlüyünə hörmət etdiklərini təsdiqləyiblər.

Türkiyə Müdafiə Nazirliyi Suriyada və bütövlükdə regionda sabitliyin yaradılması və qorunması üçün dördtərəfli formatda görüşlərin davam etdirilməsinin vacibliyini vurğulayıb.

Busaat.az