Türkiyə Rusiya, Ukrayna və BMT ilə taxıl sazişinin bərpası ilə bağlı danışıqlar aparır.
Busaat.az xəbər verir ki, bu barədə TRT telekanalı Türkiyə Müdafiə Nazirliyindəki mənbəyə istinadən məlumat yayıb.
“Rusiya tərəfindən dayandırılmış taxıl sazişinin bərpası ilə bağlı Rusiya, Ukrayna və BMT ilə kommunikasiyalar [Türkiyə] Xarici İşlər Nazirliyi ilə razılaşdırılaraq həyata keçirilir”, – telekanal bildirib.
Türkiyə Müdafiə Nazirliyi Qara dəniz təşəbbüsünün davam etdirilməsini dəstəklədiklərini bəyan edib.
Ankara bildirir ki, Ukraynada atəşkəs və ədalətli nizamlamanın bərqərar olması, eləcə də müharibənin yaratdığı humanitar böhranın nəticələrinin yumşaldılması üçün hər cür dəstəyi verməyə hazırdır.
Busaat.az
