Türkiyə Şimali İraq və Suriyada 326 terrorçunu məhv edib
Türkiyə ordusu İraq və Suriyada həyata keçirdiyi hava əməliyyatları zamanı 326 terrorçunu məhv edib.
Busaat.az xəbər verir ki, bu barədə jurnalistlərə açıqlamasında Türkiyənin Müdafiə naziri Hulusi Akar bildirib.
“Hazırda “Pəncə-Qılınc” hava əməliyyatı nəticəsində 326 terrorçu məhv edilib. Terrorçuların cəzalandırılması əməliyyatı qurudan atəş dəstəyi ilə davam etdirilir” – deyə, Akar qeyd edib.
O, Türkiyə ordusunun Suriyanın şimalında ABŞ-ın müşahidə mərkəzinə zərbə endirməsi ilə bağlı xəbərləri təkzib edib: “Müttəfiq qüvvələrə və mülki obyektlərə hər hansı zərbə endirməkdən söhbət gedə bilməz”.
Noyabrın 20-də gecə saatlarında Türkiyə ordusu artilleriya dəstəyi ilə 50-dən çox təyyarə və 20 pilotsuz uçuş aparatının iştirakı ilə İraq və Suriyanın şimalında “Pəncə-Qılınc” hava əməliyyatına başlayıb. Ankaranın hava hücumları Türkiyədə qadağan edilmiş Kürdüstan Fəhlə Partiyasının (PKK) və onun Suriya qolu olan Milli Müdafiə Qüvvələrinin yerləşdiyi əraziləri hədəf alıb.
Busaat.az
