Türkiyə suriyalı qardaşlarını incitməyəcək

Ankara Suriya xalqına qarşı heç bir tədbir görməyəcək.

Busaat.az xəbər verir ki, bunu Türkiyənin müdafiə naziri Hulusi Akar dekabrın 28-də Moskvada suriyalı həmkarı Əli Mahmud Abbasla danışıqlardan sonra deyib.

“Xüsusilə vurğulamaq istəyirəm ki, Türkiyədə və Suriyada yaşayan suriyalı qardaşlarımıza qarşı hər hansı addım atmağımızdan söhbət gedə bilməz. Biz heç vaxt onlar üçün çətinlik yaradacaq heç bir addım atmamışıq və bundan sonra da bunu etməyəcəyik. Hər kəs bunu bilməli və mövqeyimiz əsasında hərəkət etməlidir” – deyə, nazir qeyd edib.

Qeyd edək ki, dekabrın 28-də Türkiyə və Suriya müdafiə nazirləri 11 ildən sonra ilk dəfə Moskvada görüşüblər. TASS xəbər verir ki, görüş Rusiyanın müdafiə naziri Sergey Şoyqu ilə üçtərəfli formatda keçirilib.

Akar qeyd edib ki, danışıqların gündəmindəki əsas məsələ terrorla mübarizədir. Türkiyə tərəfi Suriyanın ərazi bütövlüyünə hörmət etdiyini bəyan edərək, qonşu ölkədə nizamlanmanın BMT Təhlükəsizlik Şurasının 2254 saylı qətnaməsi əsasında həyata keçirilməli olduğunu qeyd edib. Danışıqların sonunda üçtərəfli görüşlərin davam etdirilməsi razılaşdırılıb.