Türkiyə təbii qazın qiymətlərinin formalaşacağı və enerji məhsullarının ticarətinin aparılacağı mərkəzə çevrilməyi hədəfləyir.
Busaat.az Türkiyə mətbuatına istinadən xəbər verir ki, bu sözləri , Türkiyənin energetika və təbii sərvətlər naziri Alparslan Bayraktar deyib.
“Bu, Türkiyə ərazisində qaz qovşağının yaradılması layihəsinin həyata keçirilməsi ilə asanlaşacaq”, – Bayraktar “Sabah” qəzetinə müsahibəsində bildirib.
“Türkiyənin özəlliyi ondan ibarətdir ki, fiziki olaraq neft və təbii qaz üçün baza hubdur. Rusiya Türkiyədə qaz mərkəzinin yaradılması ideyasını dəstəkləyir. Biz istəyirik ki, Türkiyə təbii qazın qiymətləndiyi və ticarət edildiyi mərkəzə çevrilsin. Bu bir növ elektron ticarət və qiymət sistemidir. Əgər sizin də anbarlarınız varsa, o zaman tələbatından asılı olaraq ucuz qiymətə alınan qazı satıb qazana bilərsiniz”, – nazir deyib.
Busaat.az
