Türkiyə hakimiyyəti yaxın aylarda Ukrayna böhranının gərginləşəcəyini istisna etmir, ona görə də problemləri danışıqlar yolu ilə həll etmək üçün intensiv səylər göstərəcəklər.
Busaat.az xəbər verir ki, bunu Türkiyə prezidentinin baş müşaviri və sözçüsü İbrahim Kalın cümə günü Twitter hesabında yazıb.
O qeyd edib ki, yaxın vaxtlarda Ukraynada döyüşlər daha da güclənə bilər: “Türkiyə atəşkəsdən tutmuş əsir mübadiləsinə, taxıl tədarükündən nüvə təhlükəsizliyinə qədər bütün istiqamətlərdə danışıqlar prosesinin başlanması üçün fəal səylərini davam etdirəcək”.
Kalın Türkiyə prezidenti Rəcəb Tayyib Ərdoğanın cümə axşamı Rusiya lideri Vladimir Putin və ukraynalı həmkarı Volodimir Zelenski ilə telefon danışığını şərh edib: “Danışıqlar zamanı Ərdoğan Ankaranın Ukrayna böhranının həllində vasitəçilik etməyə hazır olduğunu bir daha bəyan edib”.
Busaat.az
