Türkiyənin milli müdafiə naziri Hulusi Akar ABŞ müdafiə naziri Lloyd Ostin ilə telefonla danışıb.
Busaat.az xəbər verir ki, bu barədə Milli Müdafiə Nazirliyindən açıqlama verilib.
Açıqlamaya görə, Akar və Ostin NATO, ikitərəfli və regional müdafiə və təhlükəsizlik məsələlərini müzakirə edib, Kahramanmaraşda baş verən zəlzələlərinfəsadlarından duyulan kədəri ifadə ediblər. Bundan əlavə, Qara Dəniz Taxıl Təşəbbüsü Sazişinin uzadılmasının vacibliyi, Finlandiyanın NATO-ya üzvlüyü, Türkiyəyə F-16-ların tədarükü və modernləşdirilməsi layihəsinin tez və müsbət nəticələnməsi vurğulanıb.
6 fevral zəlzələlərindən sonra ABŞ-yə verdiyi dəstəyə və həmrəyliyə görə təşəkkür edən nazir Akar Türkiyənin NATO-nun açıq qapı siyasətini hər zaman dəstəklədiyini, Finlandiyanın üzvlüyünün bunu bir daha göstərdiyini, İsveçin də öhdəlikləri ən qısa zamanda yerinə yetirəcəyinə ümid etdiyini bildirib.
ABŞ-nin müdafiə naziri Ostin də ölkəsinin zəlzələnin yaralarını sağaltmaq üçün istənilən əlavə dəstəyə hazır olduğunu bildirib.
Busaat.az
