Türkiyə və İsrail Suriyaya hücumu dərhal dayandırmalıdır – Çin

Çin Türkiyə və İsraili Suriyaya hücumları dərhal dayandırmağa çağırır.

Busaat.az xəbər verir ki, bunu Çinin BMT-dəki nümayəndəsinin müavini Qenq Şuanq deyib.

“Biz Suriyanın suverenliyini və ərazi bütövlüyünü qətiyyətlə müdafiə etməliyik. Suriyada təhlükəsizlik vəziyyəti qeyri-sabit olmaqda davam edir. Türkiyə Suriyaya hava zərbələri endirib və Suriyaya qarşı quru əməliyyatı keçirəcəyini açıqlayıb. İsrailin Suriyaya qarşı hava hücumları da davam edib” – deyə, Qenq vurğulayıb.

Onun sözlərinə görə, bütün bu hərəkətlər Suriyanın suverenliyini və ərazi bütövlüyünü kobud şəkildə pozur və Suriya münaqişəsinin genişlənməsinə səbəb ola bilər: “Çin dərin narahatlığını ifadə edir. Biz Türkiyə və İsraili sərhədyanı hücumları dərhal dayandırmağa, vəziyyəti gərginləşdirə biləcək hər hansı hərəkətdən çəkinməyə və müvafiq məsələlərin həlli üçün dialoqa riayət etməyə çağırırıq”.

Busaat.az