Türkiyə indiyə qədər yalnız İsveçin NATO-ya üzvlüyünə yol açıb, lakin hələlik bunu təsdiq etməyib.
Busaat.az Türkiyə mətbuatına istinadən xəbər verir ki, bunu hakim Ədalət və İnkişaf Partiyasının rəsmi nümayəndəsi Ömər Çelik bildirib.
“Türkiyə İsveçin NATO-ya üzv olması üçün yalnız yol açıb, lakin hələ də “hə” deməyib” – Çelik deyib.
O, qeyd edib ki, İsveçin NATO-ya üzvlük protokoluna oktyabrın 1-də başlayacaq payız sessiyasında Türkiyə parlamenti baxacaq. Məsələ oktyabr noyabr aylarında təsdiq oluna bilər.
Qeyd edə ki, Türkiyə və İsveç iyulun 10-da NATO-nun Vilnüsdə keçirilən sammiti ərəfəsində protokol imzalayıblar və bu protokola əsasən Stokholm Türkiyədə elan edilən terror təşkilatları ilə mübarizə aparacaq və ölkənin Aİ-yə üzvlük prosesini dəstəkləyəcək.
Busaat.az
