Türkiyə xüsusi xidmət orqanları “İraq Şam İslam Dövləti” (İŞİD) terror qruplaşmasının fəaliyyətində iştirakda şübhəli bilinən 298 nəfəri saxlayıb.
Busaat.az xəbər verir ki, bu barədə daxili işlər naziri Ali Yerlikaya məlumat paylaşıb.
“Təhlükəsizlik idarəsi və polis bölmələrinin 47 əyalətdə iki həftə ərzində həyata keçirdikləri əməliyyatlar nəticəsində İŞİD üzvü olmaqda şübhəli bilinən 298 nəfər saxlanılıb”, – deyə nazir özünün “X” hesabında yazıb.
Əməliyyatlar Adana, Ankara, Antalya, İzmir, Mersin, İstanbul və digər şəhərlərdə aparılıb. Saxlanılanlar İŞİD-in fəaliyyətində iştirakda və terror qruplaşmasını maliyyələşdirməkdə şübhəli bilinirlər.
Qeyd edək ki, Türkiyə xüsusi xidmət orqanları mütəmadi olaraq İŞİD-ə qarşı əməliyyatlar həyata keçirir. Məlumata görə, son bir ildə ölkədə 4 minə yaxın şəxs terror təşkilatı ilə əlaqədə şübhəli bilinərək saxlanılıb.
